---
title: "كيف يساعدك الدفع الشهري كوسيط عقاري تقفل صفقات أكثر؟ | ايجاري"
description: "لما يسأل العميل عن الدفع الشهري والمالك يبي السنة مقدم، يخسر الوسيط صفقات. كيف يسد ايجاري هالفجوة، ووش يكسب الوسيط على كل عقد."
url: "https://ejari.sa/ar/blog/monthly-rent-brokers-close-more-deals/"
lang: "ar"
---

للملّاك

# كيف يساعدك الدفع الشهري كوسيط عقاري تقفل صفقات أكثر؟

نُشر في ١١ أكتوبر ٢٠٢٦ • ٥ دقائق قراءة

بقلم [Fahad Albedah](https://ejari.sa/ar/authors/fahad-albedah/)، الرئيس التقني

لما يسأل العميل عن الدفع الشهري والمالك يبي السنة مقدم، يخسر الوسيط صفقات. كيف يسد ايجاري هالفجوة، ووش يكسب الوسيط على كل عقد.

**في هذا المقال**

1. [السوق تغيّر.. والمستأجر تغيّر معه](#السوق-تغيّر-والمستأجر-تغيّر-معه)
2. [الصفقة مو دايم تروح بسبب العقار](#الصفقة-مو-دايم-تروح-بسبب-العقار)
3. [هنا يجي دور ايجاري](#هنا-يجي-دور-ايجاري)
4. [وش تحصل كوسيط مع ايجاري](#وش-تحصل-كوسيط-مع-ايجاري)
5. [لا تنتظر العميل يسألك](#لا-تنتظر-العميل-يسألك)
6. [أسئلة شائعة](#أسئلة-شائعة)

**خيار دفع واحد ممكن يكون الفرق بين صفقة تخسرها وصفقة تقفلها.**

كل شي كان ماشي صح. العميل عاجبته الوحدة، السعر مناسب، وأنت شبه متأكد إن الصفقة بتتم، لين سألك سؤال واحد: **“طيب، أقدر أدفع شهري؟”**

وللأسف ما كان عندك خيار شهري، والمالك يبي إيجاره كامل. حاولت تكمل النقاش، لكن العميل قال لك إنه بيفكر، وما عاد رجع لك، أو راح لوسيط غيرك.

والسبب مو لأن وحدتك كانت أسوأ، ومو لأن العميل ما كان جاد. الحقيقة إن **الوسيط الثاني كان عنده جواب على السؤال اللي أنت ما كان عندك له جواب**، وعنده طريقة دفع تناسب وضع العميل.

## السوق تغيّر.. والمستأجر تغيّر معه

الدفع السنوي كان لفترة طويلة هو الخيار الطبيعي في الإيجار في السعودية. لكن اليوم، مستأجرين أكثر صاروا يفضّلون توزيع إيجارهم على دفعات شهرية. وهذا ما يعني إنهم ما يقدرون يدفعون الإيجار، الموضوع ببساطة إن دفع سنة كاملة مرة وحدة مو مناسب لكل أحد.

تخيّل العملاء اللي تتعامل معهم أصلًا: موظف توه بدأ وظيفته، شخص انتقل لمدينة جديدة، عائلة عندها التزامات شهرية ثانية، أو حتى عميل يقدر يدفع السنة لكنه يفضّل يحافظ على سيولته.

**وهنا تبدأ المشكلة بالنسبة لك كوسيط:** العميل يشوف الوحدة مناسبة، والسعر مناسب، لكن طريقة الدفع ما تناسبه.

## الصفقة مو دايم تروح بسبب العقار

خلنا نفترض إن عندك وحدة ممتازة بـ **٦٠ ألف ريال سنويًا**. عميلك عاجبته الوحدة، لكن ٦٠ ألف دفعة وحدة خارج ميزانيته الحالية.

بالطريقة التقليدية، خياراتك محدودة: إما تقنع العميل يدفع المبلغ كامل، أو تخسر الصفقة.

لكن لو نفس الـ٦٠ ألف تتوزع على دفعات شهرية، يتغير النقاش بالكامل. بدل **“ما أقدر أدفع ٦٠ ألف”**، يصير **“كم تكون الدفعة الشهرية؟”**

أنت ما غيرت الوحدة، ولا نزلت سعرها، ولا طلبت من المالك يتنازل عن دفعته السنوية. أنت بس وفّرت طريقة دفع تناسب عميلك. ويبقى سؤال واحد: **كيف توفّر الدفع الشهري والمالك يبي السنة كاملة؟**

## هنا يجي دور ايجاري

المستأجر يبي يدفع شهري، والمالك يبي إيجار السنة كامل. وايجاري يسد هالفجوة.

**ببساطة:** المالك يستلم إيجار السنة مقدم من ايجاري، والمستأجر يسدد لايجاري على دفعات، غالبًا شهرية على ١٢ شهر، مقابل رسوم خدمة مو فوائد. المستأجر يقدّم طلبه من تطبيق ايجاري، والدفع الشهري يعتمد على قبول طلبه. ورسوم المستأجر تظهر له في عرض السعر قبل ما يلتزم: [حتى ١٥٪ من الإيجار على عقد ١٢ شهر](https://ejari.sa/ar/faq/)، والإيجار اللي أقل من ٢٠ ألف ريال يضاف له ٥٠٠ ريال مرة وحدة، إلا في عقود الستة أشهر.

يعني ما تحتاج تدخل في مفاوضات طويلة مع المالك عشان يقبل الدفع الشهري، ولا تنتظر العميل يجمع قيمة سنة كاملة قبل ما تتم الصفقة.

**وأنت كوسيط وش تستفيد؟** تقفل صفقتك وتاخذ عمولتك على العقد الموقّع، بدون مطاردة أو انتظار.

## وش تحصل كوسيط مع ايجاري

هذه الشروط المذكورة في [صفحة ايجاري للوسطاء](https://ejari.sa/ar/broker/):

| الميزة             | وش تعني لك؟                                             |
| ------------------ | ------------------------------------------------------- |
| **عمولة ١٪**       | على كل عقد موقّع تحيله                                  |
| **خلال ٤٨ ساعة**   | العمولة تتحول لحسابك البنكي خلال ٤٨ ساعة من توقيع العقد |
| **لوحة تحكم وحدة** | تحيل المستأجرين وتتابع الموافقات والعمولات لحظة بلحظة   |
| **بدون تحصيل**     | ايجاري يدفع للمالك ويحصّل من المستأجر                   |
| **بدون اشتراكات**  | لا رسوم شهرية ولا حد أدنى للصفقات                       |

وعشان تسجّل، تحتاج رخصة فال سارية من الهيئة العامة للعقار، وايجاري يتحقق منها وقت التسجيل. وتقدر [تستعلم عن رخصة أي وسيط من خدمات الهيئة العامة للعقار](https://rega.gov.sa/rega-services/real-estate-inquiries/%D8%A7%D8%B3%D8%AA%D8%B9%D9%84%D8%A7%D9%85-%D8%B9%D9%86-%D8%B1%D8%AE%D8%B5-%D9%81%D8%A7%D9%84/) بأي وقت.

## لا تنتظر العميل يسألك

إذا عندك عميل مهتم، لا تنتظر لين يوصل لمرحلة التردد. ببساطة قل له: **“إذا الدفع السنوي مو مناسب لك، فيه خيار دفعات شهرية.”**

جملة بسيطة، لكنها ممكن تحفظ لك صفقة كانت بتروح لوسيط ثاني. لأن أحيانًا أنت ما تنافس عقار ثاني، **أنت تنافس طريقة دفع.**

وعملاؤك من الملاك يقدرون يقرون كيف يشوفون الدفع الشهري من جهتهم في [كيف تحصّل الإيجار في السعودية](https://ejari.sa/ar/blog/how-to-collect-rent-saudi/).

## أسئلة شائعة

**هل المالك يستلم الإيجار كامل؟** إيه. ايجاري يدفع للمالك إيجار السنة مقدم، والمستأجر يسدد لايجاري على دفعات شهرية.

**هل الخيار الشهري يعني إن المالك لازم يقبل الإيجار شهري؟** لا. المالك يستلم السنة مقدم من ايجاري، ودفعات المستأجر الشهرية تروح لايجاري.

**هل فيه رسوم على الوسيط؟** لا. ما فيه اشتراكات، ولا رسوم شهرية، ولا حد أدنى للصفقات.

**متى أستلم عمولتي؟** خلال ٤٨ ساعة من توقيع العقد، تتحول لحسابك البنكي. وتقدر تتابع العمولات المعلّقة والمدفوعة في لوحة تحكم الوسيط.

**هل كل العملاء يناسبهم الخيار الشهري؟** لا. المستأجر يقدّم طلبه من تطبيق ايجاري، والدفع الشهري يعتمد على قبول طلبه. لكنه يعطيك خيار إضافي للعميل اللي يفضّل يوزع إيجار السنة على دفعات شهرية.

**هل أحتاج رخصة عشان أسجّل؟** إيه، رخصة فال سارية من الهيئة العامة للعقار.

***

*ايجاري شركة مرخّصة من الهيئة العامة للعقار. [سجّل كوسيط مع ايجاري](https://broker.ejari.sa/signup?lang=ar) وخلّك جاهز تقدّم لعملائك خيار الدفع الشهري، أو اقرأ أكثر في [صفحة الوسطاء](https://ejari.sa/ar/broker/).*

في هذا المقال

1. [السوق تغيّر.. والمستأجر تغيّر معه](#السوق-تغيّر-والمستأجر-تغيّر-معه)
2. [الصفقة مو دايم تروح بسبب العقار](#الصفقة-مو-دايم-تروح-بسبب-العقار)
3. [هنا يجي دور ايجاري](#هنا-يجي-دور-ايجاري)
4. [وش تحصل كوسيط مع ايجاري](#وش-تحصل-كوسيط-مع-ايجاري)
5. [لا تنتظر العميل يسألك](#لا-تنتظر-العميل-يسألك)
6. [أسئلة شائعة](#أسئلة-شائعة)

استأجر صح. ادفع شهري.

[احصل على تسعيرتك](https://app.ejari.sa/dashboard/onboarding?lang=ar)

## قصص من ايجاري

[اقرأ كل القصص](https://ejari.sa/ar/blog/)

* [١١ أكتوبر ٢٠٢٦ • ٥ دقائق قراءة](https://ejari.sa/ar/blog/ejari-partner-compounds-and-offices/)
  ### [المجمعات والمكاتب العقارية الشريكة مع ايجاري](https://ejari.sa/ar/blog/ejari-partner-compounds-and-offices/)
* [١١ أكتوبر ٢٠٢٦ • ٦ دقائق قراءة](https://ejari.sa/ar/blog/first-time-living-alone/)
  ### [أول مرة تسكن لحالك؟ أشياء محد علّمك عنها قبل](https://ejari.sa/ar/blog/first-time-living-alone/)

[اقرأ كل القصص](https://ejari.sa/ar/blog/)

## استأجر صح. ادفع شهري.

احصل على تسعيرتك الإرشادية في ثوانٍ. مجانًا، بدون التزام، وبدون أي شيء خفي.

* [احصل عليه من Google Play](https://app.adjust.com/1uq2ib77?campaign=final_cta\&adgroup=ar\&engagement_type=fallback_click\&redirect=https%3A%2F%2Fplay.google.com%2Fstore%2Fapps%2Fdetails%3Fid%3Dcom.ejari.EjariApp)
* [تنزيل من App Store](https://app.adjust.com/1uq2ib77?campaign=final_cta\&adgroup=ar\&engagement_type=fallback_click\&redirect=https%3A%2F%2Fapps.apple.com%2Fus%2Fapp%2Fejari-%25D8%25A7%25D9%258A%25D8%25AC%25D8%25A7%25D8%25B1%25D9%258A%2Fid6739182817)